Por Resuolución do 20 de maio de 2019, ditada no procedemento BS305E, respecto das axudas para o programa de iniciativas locais destinadas á xuventude, ao abeiro da Orde do 28 de decembro de 2018 pola que se aproban as bases que rexen as subvencións destinadas ás entidades locais de Galicia para a posta en marcha de iniciativas locais dirixidas á mocidade durante o ano 2019 e se procede á súa convocatoria, concedese pola Dirección Xeral de Xuventude, Participación e Voluntariado da Conselleria de Politica Social ao Concello de Arbo unha achega por importe de 5.600 euros.

O CONCELLO DE ARBO ADHERIRESE Á INICIATIVA EUROPEA  DO PACTO DOS ALCALDES PARA O CLIMA E A ENERXÍA

A Comisión Europea puxo en marcha en 2008 o Pacto dos Alcaldes (Covenant of Mayors), unha iniciativa aberta a todas as cidades e municipios en Europa co obxectivo de involucrar ás autoridades locais e aos cidadáns no desenvolvemento e a aplicación da política enerxética da Unión Europea. O Pacto consiste no compromiso das cidades asinantes de ir máis alá dos obxectivos adoptados para o ano 2020 pola UE para reducir as emisións de CO2 a través de medidas de eficiencia enerxética, de accións relacionadas coa promoción das enerxías renovables e da mobilidade urbana sostible. A Xunta de Galicia e consciente de que o Pacto dos Alcaldes polo Clima e a Enerxía e o mellor instrumento para implicar aos concellos de Galicia na loita contra o cambio climático.

Todos temos algo que facer e no ámbito da administración local deseñando estratexias para reducir esas emisións en función das nosas competencias”, tamén informa que para alcanzar os  obxectivos, o Concello de Arbo ao adherirse ao Pacto ten que  a redactar un Plan de Acción para a Enerxía Sostible e o Clima (PACES) cun inventario de referencia de emisións (IRE) para facer o seguimento da súa  efectividade das accións de mitigación e unha avaliación de riscos e vulnerabilidades ante o cambio climático .

O Concello de Arbo deberá concentrar os seus esforzos en reducir a demanda de enerxía nos seus territorios e adaptar a demanda enerxética á oferta promovendo a utilización de recursos enerxéticos locais.

https://www.pactodelosalcaldes.eu/es/

CONVENIO DE COLABORACIÓN ASINADO POLO SECRETARIO XERAL PARA O DEPORTE DA XUNTA DE GALICIA E O CONCELLO DE ARBO PARA A MELLORA DO POLIDEPORTIVO MUNICIPAL

Á vista do convenio asinado en maio de 2019 polo Secretario Xeral para o Deporte da Xunta de Galicia e o alcalde do Concello de Arbo, para a realización de obras de mantemento no polideportivo municipal.

Tendo en conta que consta no expediente memoria redactada polo Arquitecto Asesor Municipal D. Teodoro de Francisco Antes, en data febreiro de 2019, que serviu de base para a petición da achega,  e no que se fixa como orzamento da referida actuación o importe de 14.978,00 € (IVE   do 21% incluído que ascende a  2.599,51 €.)

Posto que esta actuación conta con financiamento ao 100% do Ente autonómico en virtude do convenio asinado en maio de 2019 polo Secretario Xeral para o Deporte da Xunta de Galicia e o alcalde do Concello de Arbo, para a realización de obras de mantemento no polideportivo municipal.

Considerando que esta actuación, tal e como se recolle na memoria técnica, ten como finalidade  as obras de mantemento no pavillón polideportivo municipal de Arbo, dado que presenta estragos e humidades.

O obxectivo e conseguir un óptimo nivel de funcionamento das infraestruturas municipais, neste caso deportivas, de forma que o Concello poida prestar servizos de calidade á veciñanza con independencia da súa idade, sexo.., apoiando aquelas actuacións cuxa finalidade é o deporte.

No pavillón Polideportivo de Arbo, realízanse distintas actividades organizadas por diversas asociacións do Concello de Arbo, entre elas, clases de Zumba, Pilates, bailes moderno, fútbol-sala.....

 As obras son necesarias para que as actividades, así como os eventos que organiza o Concello de Arbo durante todo ano non supoñan un risco para os usuarios.

A zona de intervención céntrase na cuberta dos vestiarios, e nos acabados interiores, deteriorados pola presenza de filtracións de auga da choiva.

As obras a realizar consisten en:

• Substitución de panel sándwich de cuberta, sobre os vestiarios
• Reparación de canaletas da anterior cuberta
• Pintado de vestiarios, con reparacións puntuais (emplastecidos, etc..)
• Substitución de porterías de fútbol

O CONCELLO DE ARBO RECIBE DA CONSELLERIA DO MEDIO RURAL UN TRACTOR

O Concello de Arbo recibe da Conselleria do Medio Rural un Tractor dacordo o convenio asinado entre a Conselleria e o Concello de Arbo o pasado 1 de marzo de 2019.

O uso temporal do citado equipo (vehículo, desbrozadora e trituradora) (artigo 37.1 da lei 5/2011 de Patrimonio da Comunidade autónoma de Galicia, será destinado aós seguintes fins de utilidade pública e interese social:

• Mantemento e limpeza da maleza nas infraestruturas rurais de titularidade municipal
• Mantemento e limpeza de determinadas fincas pertencentes a masas común  de concentración/reestruturación parcelaria de titularidade do Concello
• Mantemento e limpeza das redes secundarias de faixas de xestión de biomasa

O CONCELLO DE ARBO, RECIBE UNHA ACHEGA PARA A EXECUCIÓN DO PROXECTO DENOMINADO “ILUMINACIÓN EXTERIOR SOSTIBLE II FEDER-EELL-2019-000-499”

O instituto para a Diversificación e Aforro da Enerxía ((IDAE), acaba de concedernos unha achega do 80% de fondos FEDER para a execución do proxecto denominado “iluminación Exterior Sostible II Feder-EELLL-2019-000-499”.

Estas axudas van destinadas as entidades locais para proxectos singulares de entidades locais que favorezan o paso a unha economia baixa en carbono do IDAE no marco do programa operativo FEDER de Crecemento Sostible 2014-2020.

Este proto presentouse  no segundo semestre do  2017. Nel están incluidas as actuacións de substitución dos puntos de luz existentes e das actuais iluminarias por Luminarias LED máis eficientes nas zonas que se indican dentro do termo municipal de Arbo.

O investimento elixible admitido polo IDAE para a realización das actuacións correspondentes no seu concello é de 99.595,76 €.-

De conformidade co “Acordo entre Beneficiarios”, asinado por este concello o Concello de Arbo e a Deputación de Pontevedra, con cargos aos seus propios fondos deberán achegar o 20% do investimento.

O CONCELLO DE ARBO, CONTRATA AS OBRAS DE MELLORA DE ILUMINACIÓN NOS BARRIOS DE PORTELA E NA RUA ANTONIA TOVAR

Á vista do expediente que se tramitou perante a Excma. Deputación Provincial de Pontevedra para a obtención dunha subvención de para 8.214,97 € (IVE incluído)  para a actuación denominada “Subministro para a Mellora da eficiencia e seguridade do Alumeado Público”, no marco das bases de subvencións do Plan Concellos 2018-2019 – Anualidade 2019 da  Deputación Provincial de Pontevedra aprobadas polo Pleno da Deputación o día 29 de decembro de 2017 e publicadas no BOPPO nº3 de 3-01-2018.

Cumprir cos niveis mínimos de iluminación, de acordo coas normas de seguridade requiridas. Este depende da potencia das lámpadas e a distribución especial dos puntos de luz. Proporcionar unha iluminación de calidade durante as horas de uso, que depende da capacidade da luz artificial para reproducir sombras, formas e cores. A tecnoloxía dispoñible fai que canto máis nos acercamos ao obxectivo, os custos dos elementos luminosos e o consumo de enerxía aumenten proporcionalmente. Cumprir coas premisas estéticas e funcionais esixidas en cada entorno para a integración do conxunto  dentro do mobiliario urbano. Un consumo enerxético adecuado, que dependerá do conxunto de factores indicados. Tendo en conta o anterior, as opcións analizadas como posibles áreas de intervención son:

-Deseño baseado en criterios de rendemento enerxético, limitando o uso de luminarias de  baixo rendemento

-Mellore a eficiencia das fontes de luz, utilizando o tipo de lámpadas máis adecuadas para cada entorno.

-Revisar o estado de todas as partes pertencentes ás instalacións, con especial atención a instalación de clima, especialmente a soportes metálicos debido a súa  maior deterioro.

-Revisión das conexións a terra das instalación, revisión das proteccións do bastidor segundo normativa

As actuación proxectadas son no Barrio de A Portela, Parroquia de Mourentán – Arbo e na Rúa Antonia Tovar, no centro Urbano

O Concello de Arbo Adxudica o Contrato  do “Deseño, promoción e execución da actualización  e mellora da exposición permanente do Centro de Interpretación da Lamprea e do Viño do Condado “Arabo”

O Concello conta  coa concesión de subvención  por importe de 59.518,27 €.- ao abeiro  do reparto de axudas para a selección de estratexias de desenvolvemento local, para a selección e recoñecemento dos grupos de desenvolvemento rural como entidades  colaboradoras na xestión da medida LEADER de Galicia e para a concesión de axuda preparatoria, cofinanciada co Fondo Europeo Agrícola de Desenvolvemento Rural (FEADER) no marco do PDR de Galicia 2014-2020.

O Centro de Interpretación do viño e da Lamprea Arabo, e unha fiestra cara os visitantes para descubrir o que o Concello de Arbo pode ofrecer, ademais de transmitir a través dos paneis e os vídeos a verdadeira realidade e a historia de Arbo.

Con estas actuacions pretendese mellorar o deseño, promoción e execución da actualización  e mellora da exposición permanente do centro de interpretación da lamprea e do viño do condado“ de titularidade municipal:

As actuación proxectadas son :

1. Dotación de sistemas multimedia para o visionario de contidos de vídeo e interactivo: pantallas táctiles, monitores de vídeo, proxectores.
2. Elaboración de contidos: redacción de textos, traducións galego/castelá, fotografía, grafismos, vídeo e contidos interactivos.
3. Proposta e execución de material expositivo, paneis e/ou vitrinas expositoras.
4. Elaboración dun folleto promocional que describa a proposta museística
5. Execución e instalación
6. Creación dun espazo para albergar unha exposición permanente sobre a Festa da Lamprea.

O importe do contrato ascendería á cantidade de 65.945,00 € (IVE 21%  incluído que ascende a 11.445,00 €)

No proxecto establécese que a execución  da totalidade das accións recollidas no documento técnico  deberá realizarse antes do 1 de outubro de 2019, ao atoparse fixada na normativa reguladora da subvención concedida como data para a execución e xustificación das actuacións o 15 de outubro de 2019.

O CONCELLO DE ARBO RECIBE UN PRESTAMO SEN XUROS POR IMPORTE DE 211.750,00 €.- PARA COMPRA DE INMOBLE CON DESTINO A CENTRO SOCIAL PARA A TERCEIRA IDADE E PUNTO DE ATENCIÓN INFANTIL (P.A.I)

O Concello de Arbo, recibe un préstamo sen xuros da Deputación Provincial de Pontevedra por importe de  211.750,00 €.- para adquisición de inmoble no lugar de  A Chan – Arbo, co fin de situar na mesma o futuro Centro Social para a Terceira Idade e Punto de Atención Infantil (P.A.I), complementando as actuais instalacións e servizos que posúe este Municipio e destinados a este colectivo cada vez máis numeroso en concellos do rural, como Arbo.

Coa adquisición desta inmoble,  poderá dotarse ao Municipio dun equipamento social, do que actualmente carece, xa que na actualidade en Arbo só existe para esta poboación o servizo de SAF básico e do SAF para as persoas dependentes, non existindo outros recursos como centros de día ou residencias, aínda que se atopan en proxecto varias iniciativas neste eido.

Por este motivo, e ante esta situación, este Centro Social para a Terceira Idade  é imprescindible por ter como misión principal a acollida, entretemento e  coidado deste colectivo. As súas instalacións responderán ás necesidades dos maiores neste eido, ao tempo que disporá dos espazos creativos e de esparcimento necesarios.

Por outro lado, o servizo do P.A.I. de Arbo  mantense aberto dende febreiro de 2005, durante todo o ano agás o mes de agosto. Na actualidade ten unha capacidade máxima nas instalacións existentes de 20 prazas. Os usuarios deste servizo, tal e como se establece na actual normativa, son menores comprendidos entre os 3 meses e os 3 anos de idade. Dende o 2010 comezouse a aplicar Regulamento no referente á reserva de prazas, abrindo este período de reserva no mes de marzo, de cara o seguinte curso.

O Punto de Atención á primeira infancia  é de vital importancia para unha localidade como Arbo e cumpre as seguintes funcións:  función social, xa que favorece a conciliación entre a vida familiar e laboral. Función asistencial, cubrindo as necesidades físicas dos nenos e nenas a través da adquisición e do desenvolvemento dos seus primeiros hábitos. Tamén se atenden as necesidades puntuais e aqueles casos nos que concorran situacións ou circunstancias que lles impidan ás familias o seu coidado.  E  función educativa, ofrecendo aos nenos e ás nenas un entorno de aprendizaxe,