O ACCESO AO LUGAR DE PAZOS-BARCELA AFRONTA UNHA NOVA FASE DE MELLORA

Os traballos de mellora deron comezo nos últimos días  e o Concello de Arbo invertirá  40.706,94 € (IVE 21% incluído) para continuar coa mellora do acceso a Pazos – Barcela.

A actuación ten como obxectivo o ensanche e a mellora do acceso dun camiño municipal, no lugar de Pazos, na parroquia de Barcela – Fase II .

O Concello conta  con financiamento da Deputación Provincial de Pontevedra, de acordo as bases publicadas no BOPPO nº230 do 27/11/2021, pola que se convocan as bases reguladoras e convocatorias do Plan Provincial de obras e servizos (Plan Concellos 2022-2023), dentro da Liña 1 – Investimentos,  ao serlle concedida por Resolución da Presidente da Deputación Provincial de Pontevedra unha subvención de 40.706,94 € para a actuación denominada “Ensanche e Mellora do acceso no lugar de Pazos – Barcela”

ARBO REMATA UNHA DAS OBRAS MÁIS IMPORTANTES PARA SELA: A " MELLORA DO CAMIÑO DE PORTAFEITOS QUE DA ACCESO AOS EIDOS DE ARRIBA"

• O Importe das obras ascendeu a 79.911,68 € (IVE incluído do 21% que ascende a 13.868,97 €) e contan cunha achega da Deputación de Pontevedra con cargo ao Plan Concellos

• O obxecto do contrato foi a realización de actuacións necesarias para mellorar a pavimentación e o drenaxe lonxitudinal do camiño obxecto do proxecto co fin de facilitar o acceso aos veciños da zona.

O CONCELLO DE ARBO REALIZARA MELLORAS NA CIRCULACIÓN NO PARQUE EMPRESARIAL

• O Importe do contrato: 88.570,39 € (IVE  do 21% incluído que ascende a 15.371,72 €)
• As obras de “MELLORAS DA CIRCULACIÓN NO PARQUE EMPRESARIAL DE SAN XOAN DE BARCELA-ARBO” , contan con financiamento da Vicepresidencia Primeira e Consellería de Economía, Industria e Innovación, no importe de 74.396,46 € que corresponde ao 80% do investimento subvencionable de 92.995,75 € (que incluiría  obras, máis honorarios de  redacción do proxecto e dirección das obras), en virtude de resolución da Vicepresidencia Primeira e Consellería de Economía, Industria e Innovación de data 09.06.2022.

• O  Concello de Arbo, asumira ó 19.013,93 € restante con cargo a fondos propios previstos no orzamento municipal cara o exercicio 2022

• As obras acaban de ser adxudicadas é de tres meses.

O Concello de Arbo, vai inverter 88.570,39 €.- na mellora da Circulación no Parque Empresarial de Arbo. As citadas obras pretenden resolver os problemas de circulación e dar un servizo digno a unha serie de industrias situadas no polígono. As obras acaban de ser adxudicadas e o prazo de execución das obras é de tres meses.

As obras de “MELLORAS DA CIRCULACIÓN NO PARQUE EMPRESARIAL DE SAN XOAN DE BARCELA-ARBO” , contan con financiamento da Vicepresidencia Primeira e Consellería de Economía, Industria e Innovación, no importe de 74.396,46 € que corresponde ao 80% do investimento subvencionable de 92.995,75 € (que incluiría  obras, máis honorarios de  redacción do proxecto e dirección das obras), en virtude de resolución da Vicepresidencia Primeira e Consellería de Economía, Industria e Innovación de data 09.06.2022 e son necesarias dado os difíciles xiros que soportan os vehículos pesados para acceder ás industrias.

As obras fundamentalmente refírense a unha renovación do pavimento asfáltico actual cunha capa de aglomerado en quente nas interseccións e as obras necesarias para encaixar unhas glorietas no terreo existente. O pavimento actual está totalmente asfaltado.

O CONCELLO DE ARBO CONTRATA UNHA AUDITORÍA PARA A ELABORACIÓN DUN PLAN PARA MINIMIZAR AS PERDAS DE AUGA DO CONCELLO

• O Importe  da contratación: 9.375,00 €.- (IVE 21% incluído).
• O Concello de Arbo, acaba de contratar unha auditoria para minimizar as perdas de auga no abastecemento municipal.
• O Concello conta cunha achega de Augas de Galicia, no do 80% do orzamento do por un importe de  a cantidade de 7.500,00 €.- os 1.875,00 €.- restantes van a cargo dos fondos propios do Concello de Arbo.

O 11 de xaneiro de 2020 entrou en vigor a Lei 9/2019, do 11 de decembro, de medidas de garantía do abastecemento en episodios de seca e en situacións de risco sanitario. Esta lei ten entre os seus obxectivos garantir a prestación adecuada dos servizos de abastecemento de auga cando exista un episodio de seca, tendo en conta os recursos hídricos dispoñibles, e establecer as normas e as medidas para o aproveitamento dos recursos hídricos nos períodos en que exista un episodio de seca, co fin de reducir a vulnerabilidade fronte a este evento, buscando unha garantía no abastecemento á poboación en equilibrio co medio natural e tendo en conta os posibles efectos do cambio climático.

A Lei 9/2019 establece na disposición adicional segunda que, no prazo máximo de dous anos, contado desde a entrada en vigor desta lei, todas as administracións públicas responsables dos sistemas de abastecemento á poboación deberán levar a cabo unha auditoría co obxecto de cuantificaren as perdas de auga nas súas instalacións de abastecemento en alta e de subministración en baixa.

O Concello de Arbo, para  cumprir co establecido na Lei 9/2019, do 11 de decembro, de medidas de garantía do abastecemento en episodios de seca e en situacións de risco sanitario contrata unha  AUDITORÍA MUNICIPAL DE ABASTECEMENTO E PLAN DE ACTUACIÓN PARA MINIMIZAR AS PERDAS DE AUGA DO CONCELLO DE ARBO por importe de 9.375,00 €.- (IVE 21% incluído), dos cales 7.500,00 €.- son subvencionados por Augas de Galicia da Consellería de Infraestruturas e Mobilidade dacordo a resolución de data 17.08.2022  e corresponden o 80% do importe da actuación e sendo o 20% do importe restante, que ascende a 1.875,00 €.- con cargo a fondos propios do Concello de Arbo.

 Os Traballos a realizar na auditoría:

1. Unha descrición detallada do sistema de abastecemento do concello, contendo, como mínimo:

• Unha explicación do funcionamento do sistema de abastecemento.

 • Un inventario dos elementos singulares (puntos de captación de auga e a súa tipoloxía, equipos de medición existentes en captación, transporte, distribución e usuario final, estacións de bombeo de auga, depósitos de almacenamento, estacións de tratamento de auga potable), coas súas principais características, emprazamento e fotografías.

• Información sobre as redes de abastecemento (condución e distribución), lonxitude da rede de distribución, o estado de conservación e antigüidade das instalacións de abastecemento existentes.

• Inventario estimado do parque de contadores, características e antigüidade.

 • Os núcleos de poboación e zonas aos que se subministra auga.

b) Documentación gráfica, planos en formato dixital (CAD ou SIX), do sistema de abastecemento do concello, contendo como mínimo: puntos de captación de auga, equipos de medición existentes dende a captación aos puntos de consumo, estacións de bombeo de auga, depósitos de almacenamento, estacións de tratamento de auga potable e as zonas e núcleos aos que se subministra auga.

c) Datos sobre o volume medio de auga captada e subministrada á rede de abastecemento, o número de usuarios conectados diferenciados por tipoloxía (domiciliarios, grandes consumidores, etc.), e a tipoloxía de consumos de auga rexistrados e non rexistrados e facturados e non facturados.

d) Un balance hídrico de todo o sistema de abastecemento, tendo en conta a auga captada, a auga rexistrada e a auga non rexistrada.

 e) Un plan de actuacións aprobado no pleno municipal do concello para minimizar as perdas de auga dos sistemas de abastecemento á poboación nos seguintes catro anos, contendo, como mínimo:

• Medidas e actuacións para a redución dos consumos autorizados non rexistrados.

• Medidas e actuacións para a redución das perdas aparentes (erros de medición, erros de lectura, consumos non autorizados).

• Medidas e actuacións para a redución das perdas reais

O Concello de Arbo realizou obras de “Proxecto de OBRAS DE REHABILITACIÓN DO CASCO HISTÓRICO DE ARBO ”, tras resolución de concesión de Subvención pola Deputación Provincial de Pontevedra por acordo da  Xunta  de Goberno  de data  10 de decembro de 2021, no marco da convocatoria de subvencións para a rehabilitación e a sinalización do patrimonio histórico-cultural dirixidas aos concellos da provincia de Pontevedra para o ano 2021.

Orzamento: 4.489,10 € (IVE 21% incluído).

Á vista do expediente que se tramitou ante a Deputación Provincial de Pontevedra, no marco da  convocatoria de subvencións para a rehabilitación e a sinalización do patrimonio histórico-cultural dirixidas aos concellos da provincia de Pontevedra para o ano 2021,  para a obtención dunha achega para as obras de “proxecto de obras de rehabilitación do casco histórico de Arbo”.

A memoria técnica redactada polo Sr. Arquitecto Municipal D. Teodoro de Francisco Antes o 25 de  outubro de 2021, serviu de base para a petición da subvención,  e no que se fixa como orzamento da referida actuación o importe de 4.489,10  € (IVE   do 21% incluído que ascende a  779,10 €).

Esta a actuación contou con financiamento da Deputación Provincial de Pontevedra, no importe de 3.017,18 €  en virtude de acordo da Xunta de Goberno do Ente Provincial de 10 de decembro de 2021, recibido o 20.12.2021; asumindo o Concello con cargo a fondos propios o importe restante de 1.471,92 €.

ACTA DA REUNIÓN DO XURADO DO CONCURSO DE CARTEIS DA “LXII FESTA DA LAMPREA”: CATEGORÍA LIBRE CELEBRADA O DÍA  2 DE FEBREIRO DE 2022.

Á vista das bases do concurso de carteis da “LXII Festa da Lamprea”: Categoría Libre aprobadas  pola Alcaldía  por resolución nº 648/2021  de 15.12.2021   para deseñar o cartel para “LXII Festa da Lamprea” promovendo así a principal festa gastronómica do Municipio que terá lugar os día 22,23 e 24 de abril do ano 2022.

Reunidos o día 2 de febreiro de 2022, ás 13:00 h.,  os membros do xurado que a seguido se relacionan designados por Resolución da Alcaldía  nº 30/2022 de data 26.01.2022:

-Teodoro de Francisco Antes, Arquitecto Municipal do Concello de Arbo.

-Lucía Costa Pereira, Secretaria da “Asociación  Deportiva C. Fútbol de Arbo”

-María Praxedes Francisco, representante do BANCO SANTANDER, en representación do ámbito empresarial.

-María Saladina Alonso Fernández.

Secretaria: Patricia Hernández Estévez, Secretaria do Concello de Arbo, que terá voz pero non voto.

Ausentes: Xerente de Restaurante A Rula, en representación do ámbito da hostalería, que escusa a súa asistencia.  

Está presente  no acto   o Sr. Alcalde, e non asiste o Sr. Concelleiro de Cultura.

Tendo en conta que nas bases se establecen tres premios:

1º Premio: 800,00 euros.

2º Premio: 400,00 euros.

3º Premio: 200,00 euros.

Unha vez rematado o prazo para a entrega das propostas o 17.01.2022, preséntanse en prazo  sete (7) sobres pechados e debidamente selados na oficina de correos e rexistrados de entrada no Concello.

Tras o exame das propostas de cartel presentadas en prazo,  o xurado acorda admitir as sete (7)  propostas recibidas,  ao terse presentado en forma e prazo conforme ao disposto na base 3ª das Bases do Concurso aprobadas.

Unha vez examinadas por parte dos membros do xurado as sete (7)  propostas presentadas e admitidas, e tras establecer o resultado da súa valoración en base aos criterios fixados nas bases e relativos á creatividade, o impacto visual e a súa relación coa filosofía do evento, resultan os tres carteis premiados, procedendo á apertura dos sobres pechados nos que figuran os nomes e identificación dos autores dos mesmos, sendo o resultado o seguinte e pola orde que se reflicte:

1º Posto: César Núñez Álvarez, de Astorga-León,  correspondéndolle o 1º Premio fixado nas bases polo cartel presentado  con R.E. núm. 66 de 14.01.2022 (selado e presentado na oficina de correos o 13.01.2022): Lema: A toda cor.

2º Posto: Rubén Lucas García, de Murcia,  correspondéndolle o 2º Premio fixado nas bases polo cartel presentado  con R.E. núm. 86 de 19.01.2022 (selado e presentado na oficina de correos o 17.01.2022), que participa con dous carteis, sendo o gañador o de: Lema: “A de Arbo”.

3º Premio: Tamara Filgueira Vázquez, de  Cerdedo-Cotobade, correspóndelle o 3º Premio fixado nas bases polo cartel presentado co  R.E. núm. 85 de 19.01.2022 (selado e presentado na oficina de correos de Astorga-León o 17.01.2022): Lema: “Lampreando”.

A continuación procédese a abrir os restantes sobres pechados nos que figuran os nomes e identificación dos autores dos demais carteis presentados a concurso e admitidos:

- Beatriz González Paz, de Vigo-Pontevedra (R.E. núm. 62 de 13.01.2022), que participa cun só cartel.

- Marcos Dios Almeida, de Vilaboa-Pontevedra (R.E. núm. 77 de 18.01.2022, que foi selado e presentado na oficina de correos o 17.01.2022), que participa con dous carteis cos lemas: “Corazonciño” e “Xuntiñas”.

-Jesús Vázquez Pérez, Barcela-Arbo (R:E. núm. 72 de 17.01.2022), que participa cun só cartel.

-Miguel Pérez Ramudo, Cambados-Pontevedra (R:E. núm. 67 de 14.01.2022, que foi selado e presentado na oficina de correos o 13.01.2022), que participa cun só cartel co lema: “Atrapa a Lamprea”.

De acordo coas bases,  as propostas presentadas e premiadas quedarán en poder do Concello, podendo facer uso das mesmas para calquera evento que desenvolva, e podendo ser obxecto de exposición ou reprodución por parte dos convocantes, sen que elo dea dereito a retribución algunha para os concursantes. 

O Concello poderá efectuar cantas reproducións precise do cartel que obteña o premio e difundilo, sen que polo seu autor poda evocar dereitos ao respecto, podendo empregar a imaxe completa do cartel ou parte dela para realizar material relacionado coa festa.  

Do mesmo xeito, poderá introducir algunha modificación nos carteis premiados se existira algunha dificultade técnica para a súa impresión ou para introducir algún texto ou logotipo que non figure inicialmente nas bases.

As obras non premiadas devolveranse aos seus autores, podendo estes pasar a recollelas polas dependencias municipais  a partir do quinto dia posterior ao fallo do xurado no mesmo lugar onde foron entregadas.

Non sendo outro o obxecto desta reunión, levántase a presente en Arbo a 02.02.2022, sendo asinada polos asistentes en mostra da súa conformidade.

Teodoro de Francisco Antes, Arquitecto Municipal do Concello de Arbo.

Lucía Costa Pereira, Secretaria da “Asociación  Deportiva C. Fútbol de Arbo”

María Praxedes Francisco, representante do BANCO SANTANDER

María Saladina Alonso Fernández.

A Secretaria,  dando fe do acto, Patricia Hernández Estévez

OBRAS DE “MELLORA PAVIMENTO E DRENAXE NO CAMIÑO PORTAFEITO ACCESO A EIDOS DE ARRIBA (SELA)”.

No día de hoxe aprobase o inicio do proceso de  licitación do proxecto MELLORA PAVIMENTO E DRENAXE NO CAMIÑO PORTAFEITO ACCESO A EIDOS DE ARRIBA”., na parroquia de Sela, cun orzamento que ascende a 79.911,68 euros, IVE engadido.

Trátase dunha actuación que serve para mellorar de xeito notable o proxecto contemplado inicialmente para a o Acceso aos Eidos de Arriba en Sela

A actuación conta cunha achega da Deputación Provincial no marco do Plan Concellos 2021 LIÑA 1-INVESTIMENTOS,

A primeira e segunda fase deste vial foi acometido pola  Xunta de Galicia  cunha financiación do 100%

ARBO LICITA A “RENOVACIÓN DA REDE DE ABASTECEMENTO EN CUARTO, PARROQUIA DE SAN CRISTOVO DE MOURENTAN, ARBO

• As obras consistirán na construción dunha rede abastecemento de subministración de auga potable para substituír á actual rede de abastecemento en mal estado. 
• Orzamento: 49.979,74 €  (IVE 21% incluído).
• Esta actuación conta con financiamento do 100% de Augas de Galicia

O Concello de Arbo, licita a obra de renovación da rede de abastecemento en Cuarto da Parroquia de San Cristovo de Mourentan.

O importe das actuacións ascende a 49.979,74€ € (IVE 21% incluído), e contan co financiamento do 100% de Augas de Galicia, dacordo coa Resolución do 12 de marzo de 2021 pola que se aproban as bases reguladoras para a concesión de subvencións aos concellos, en réxime de concorrencia competitiva, destinadas á execución de obras de abastecemento, saneamento e depuración, financiadas no marco do eixe REACT-UE do programa operativo Feder Galicia 2014-2020, e se convocan para o ano 2021.

Obxecto do contrato:

O obxecto do contrato ven constituído por  unha serie de actuacións co obxectivo de mellorar a rede de abastecemento do  Concello de Arbo, en concreto no lugar de Cuarto, na parroquia de San Cristovo de  Mourentán.

 O alcalde, Horacio Gil – informa que con esta obra, “preténdese unha solución máis  adecuada e a descrición das actuacións necesarias para repoñer as redes de abastecemento do   Concello   de Arbo, en concreto  no  lugar  de Cuarto,  na  parroquia  de San  Cristovo  de  Mourentan”

Para iso no proxecto, defínese, tanto o tipo de tubaxe, os diámetros e presións nominais das mesmas, así como o mellor trazado das tubaxes que se repoñen. Tamén se repoñerán as acometidas que parten da rede principal a cada unha das vivendas.

Dende o goberno arbense, queren garantir o abastecemento sen cortes por avarías, dado que  a tubaxe existente  sofre roturas con bastante asiduidade, ocasionando cortes na subministración de auga ás vivendas existentes no núcleo de Cuarto, manifesta Horacio Gil.

O Concello de Arbo, non conta con medios nin persoais nin materiais para a realización  das obras proxectadas e que son necesarias porque  este tramo de tubaxe que se pretende mellorar, sofre constantes avarías, e estas supoñen numerosos cortes na subministración de auga ás vivendas existentes no núcleo de Cuarto e Pimende.

O  Concello desexa arranxar esta problemática, e decide renovar a tubaxe existente, entre a arqueta do cruzamento do desvío aos núcleos e ata a zona sur do núcleo de  Pimende, mediante a reposición da mesma,  con tubaxe en  polietileno de alta densidade de diámetro 90 mm e 16 bar  de presión  e  tubaxe  de  PEAD    de diámetro    40 mm,  repoñer as arquetas  que aloxarán as válvulas de corte e as válvulas redutoras de presión e renovar as acometidas domiciliarias.

Todo elo, co fin de garantir unha mellora prestación deste servizos básico aos veciños e veciñas deste núcleo de poboación.

OBRAS DE “MELLORA PAVIMENTO E DRENAXE NO CAMIÑO PORTAFEITO ACCESO A EIDOS DE ARRIBA (SELA)”.

• A Xunta de Goberno da Deputación Provincial na súa sesión ordinaria do día 9 de xullo de 2021, adoptou  conceder unha subvención ao Concello de Arbo, no marco do Plan Concellos 2021 LIÑA 1-INVESTIMENTOS, con destino ao financiamento do investimento “MELLORA PAVIMENTO E DRENAXE NO CAMIÑO PORTAFEITO ACCESO A EIDOS DE ARRIBA (SELA)”.

• Importe das obras 79.911,68 €

ACTUACIÓNS

O obxectivo do presente proxecto no ramal en saburra e no ramal 1, é a execución dunha nova capa de rodadura, tomando como base o pavimento actual, que será a base do pavimento proxectado. Previamente realizarase unha  explanación da devandita base no ramal saburras, no ramal 1 será necesario conformar a chaira realizando desmonte e perfilado de noiros, e estendendo e compactando base de saburra. Posteriormente aplicarase unha rega de adherencia  ECR-2 cunha dotación de 1 kg/ m2 para posteriormente estender unha capa de mestura  bituminosa en quente tipo AC 16 Surf D (antigo D-12) de 5 cm de espesor. Así mesmo realizarase o rozado mecánico de cunetas e noiros por ambas as marxes do camiño.

Nos ramais 2 e 3, executarase desmonte e terraplén, para posteriormente compactar a chaira, que quedará como pavimento final do camiño.

En todos os ramais, complementarase a actuación coa execución de canalizacións de drenaxe de pluviais, consistentes en cuneta de drenaxe lonxitudinal en terras ou en formigón, arquetas de recollida de augas e canalizacións de drenaxe transversal e de salva cunetas para acceso a leiras.

Unha vez finalizados os traballos de pavimentación marcaranse os bordos de calzada con marca viaria.

O concello de Arbo contrata o  “Subministro de material para colocar San Xoán de Arbo – LOTE I”, de acordo coa concesión de subvención concedida pola Deputación Provincial de Pontevedra ao Concello de Arbo - Plan de obras e Servizos (Plan Concellos) 2021, dentro da Liña 1 – Investimentos.

Orzamento do subministro:    3.241,17 €                       

A actuación  a realizar consiste no suministro de balaustrada de aceiro no lugar de Cruceiro (San Xoan) en Arbo.

Coa execución das actuacións contempladas no presente proxecto preténdese acadar un múltiple obxectivo:

• Mellorar o servizo a cidadanía e a calidade do mesmo
• Mellorar a seguridade  dos usuarios