Arbo a 7 de Abril de 2020

O Concello de Arbo, fai entrega a ATENDO CALIDADE, S.L., empresa contratada polo Concello para axuda no fogar os fins de semana e domingos, solicitada por correo electrónico pola empresa o 4 de abril de 2020, do seguinte material:

• 4 paquetes de guantes de latex de 100 unidades
• 3 pantallas protectoras
• 4 botes de xel desinfectante
• 3 batas
• 30 mascarillas reutilizables
• 6 mascarillas cirurxicas

Queridos veciños e veciñas:

Debido ao momento de excepcionalidade que estamos a vivir, no que se plantexan situacións totalmente novas ás que nos temos que adaptar rapidamente, dende o Concello de Arbo e coa colaboración e supervisión das monitoras do Punto de Atención a Infancia (P.A.I.), consideramos que debemos dotar ás familias de ferramentas para levar a convivencia no fogar o mellor posible durante o tempo que duren estas circunstancias.

Son momentos nos que os nosos cativos, e os adultos tamén, vémonos privados das nosas rutinas, do noso xeito habitual de vivir, e iso pode xerar que experimentemos sensacións de inseguridade, inquedanza e angustia. Sensacións que vivimos nós e que lle transmitimos aos nosos nenos e nenas. Eles tamén están privados da súa liberdade, nun momento evolutivo no que o movemento, a curiosidade e a experimentación marcan o seu xeito de entender o mundo que teñen ao redor. En moitos casos, pola súa idade, teñen un coñecemento impreciso do que está acontecendo nestes momentos.

É moi importante que lles transmitamos aos nosos cativos e cativas tranquilidade, que pensemos nas cousas boas que podemos aproveitar desta situación tan singular, como compartir con eles moito mais tempo, un tempo de calidade, sen présas nin horarios, no que poder valorar e vivir o que é a familia e as vinculacións afectivas.

Vivimos nunha era dixital que nos permite manter o contacto aínda que teñamos que estar afastados. Grazas a estas ferramentas podemos, dende o Concello, poñer ao voso dispor un tempo de ocio para que o vivades no fogar.

Pensando nas características dos cativos, imos a presentarvos dous bloques de actividades, un para os nenos e nenas de 0 ata 6 anos, e outro para os nenos e nenas de 6 ata os 12 anos. Vanse incluír actividades cunha orientación educativa pero tamén outras cun fin lúdico e de esparcemento, tan preciso nestes días. Tamén haberá actividades para que participe toda a familia, co fin de que compartades e vivades experiencias conxuntas.

É preciso que os nenos e nenas non caian no aburrimento, neses tempos baleiros nos que se poden mostrar mais inquedos e sensibles. E a vós, pais e nais, dicirvos que sexades comprensivos, flexibles. Que organicedes o tempo no fogar con rutinas de alimentación, hixiene, descanso e actividades, e que lle transmitades moito afecto aos vosos fillos e fillas.

Queda ao voso dispor esta dirección de correo electrónico tareasperiodosuspension@gmail.com e o teléfono 647 72 54 73 das nosas monitoras Conchi e Rocío, para que poidades dirixir as vosas experiencias, mensaxes positivos e todo o que queirades sobre como estades a vivir este tempo de agarda.

É unha batalla común e imos a gañala. Quédate na casa!!.  Un saúdo e moito ánimo. O Concello de Arbo somos tod@s!!!

O alcalde. Horacio Gil Expósito

DOCUMENTO ASINADO ELECTRONICAMENTE

Arbo a 3 de abril de 2020

O Concello de Arbo recibiu   material sanitario (batas e mascarillas) cedidas polo  equipo solidario de batas e mascarillas de Ponteareas, do que tamén forman parte costureiras de Arbo.

• Mascarillas: 20 mascarillas
• Batas blancas: 6 batas
• Batas de cores surtidos: 12 batas
• Batas impermeables: 2 batas

Queridos veciños e veciñas de Arbo:

Nestes tempos  complicados pola grave crise sanitaria que atravesa España, Galicia e Arbo a causa da pandemia do coronavirus COVID-19, como alcalde e veciño,  quero expresarvos o meu orgullo pola resposta que estades a dar ante as severas medidas adoptadas polas autoridades sanitarias, pola  Xunta de Galicia e polo Goberno de España, medidas moi duras para vos e para mín.

Estamos a dar exemplo de organización e de cumprimento estrito de cada orde que recibimos, actuando con lealdade e seguindo as medidas de prevención precisas coa finalidade de conter a propagación do virus e tratar de minimizar as afeccións no noso municipio. Para elo debemos seguir cumprir do estritamente as recomendacións, evitando ao máximo saír dos nosos domicilios.   Entre todos podemos conseguir  que este virus non se propague na nosa area de influencia.

Estamos nun momento  excepcional para demostrar, unha vez máis,  a madurez como sociedade e a responsabilidade como individuos a favor do interese xeral, da solidariedade e da unidade.

Quero agradecer sinceramente a todos os que durante estes difíciles momentos ofreceron e ofrecen a súa axuda, os voluntarios,  ás adegas, que puxeron a disposición do Concello os seus traballadores e a maquinaria precisa para poder desinfectar e limpar as rúas, as prazas, os parques…, chegando ao máximo de núcleos de poboación,  un traballo complicado, tendo en conta que Arbo é un concello rural con máis de 370 quilómetros de rede viaria e núcleos moi dispersos; ao persoal dos supermercados e tendas de alimentación, das farmacias, dos quioscos, aos panadeiros, aos carniceiros, aos transportistas, aos taxistas, ao persoal das oficinas bancarias,  aos agricultores e aos adegueiros,  a toda a corporación municipal, ao persoal municipal dos diferentes servizos, aos servizos sociais e do SAD que están a desenvolver as tarefas necesarias para que  os colectivos máis vulnerables e as persoas maiores do noso concello dispoñan das mellores condicións e non saían das súas vivendas, facendo que para eles este confinamento sexa o máis tranquilo e o máis levadeiro posible  e  a todos aqueles traballadores e traballadoras de todos os sectores que conseguen  co seu esforzo, responsabilidade e espírito de sacrificio, que esta crise sanitaria sexa máis soportable para todos.

Non podo deixar de mostrar o meu máis profundo agradecemento á labor desenvolvida polo persoal sanitario na súa loita por protexer e salvar as vidas de milleiros de afectados, antepoñendo sempre a saúde dos pacientes fronte á súa propia.

Tampouco quero esquecer ás forzas e corpos de seguridade do Estado e ao Exercito, que sempre están onde e cando teñen que estar, preto da cidadanía nos momentos que máis se necesitan e recordando a necesidade de cumprir as normas, que son a mellor garantía para a seguridade e benestar de todos.

O Concello de Arbo, unha vez superada a crise sanitaria valorará xunto con todos os sectores máis afectados,  con toda a corporación, cantas iniciativas sexan necesarias para que dentro das posibilidades e competencias municipais, podamos axudar e dinamizar os recursos locais, para favorecer a recuperación e reactivación económica do noso concello.

Traballamos dende o primeiro momento, adoptando as medidas necesarias para axilizar ao máximo o pago aos provedores, para colaborar coa continuidade da súa actividade empresarial, tratando de minimizar os problemas de liquidez que esta crise puidéralles ocasionar e tratar de manter os postos de traballo.

Aproveito tamén, para comunicarlles a suspensión dos prazos de pago que constan no calendario fiscal do noso Concello, asemesmo quedan prorrogados os prazos de pago en voluntaria das débedas tributarias correspondentes as taxas actualmente ao cobro.

Quedan días duros nos que non podemos baixar a garda, pero estou seguro que xuntos conseguiremos vencer o virus. É unha batalla común e imos a gañala. Quédate na casa!!

O alcalde. Horacio Gil Expósito